కాలయాపనకే అఖిల పక్షాలు!

కాలయాపనకే అఖిల పక్షాలు!
తెలంగాణ సమస్యపై శ్రీకృష్ణ కమిటీ నివేదిక ఇచ్చి రెండేళ్లు పూర్తి కావస్తున్నది. తదనంతరం అనేక అఖిలపక్ష సమావేశాలు జరిగాయి. ఏమీ తేలలేదు. తాజాగా మళ్లీ అఖిల పక్ష సమావేశమంటున్నారు. అసలా మాటకొస్తే ఆ కమిటీ చేసిందంతా అఖిలపక్ష సమావేశాలే కదా? విస్తృత స్థాయిలో అన్ని రాజకీయ పక్షాలతో సమావేశమైన తరువాతే నివేదిక ఇచ్చినప్పుడు మళ్లీ అఖిలపక్ష సమావేశం కావాల్నా?

నివేదిక ఇస్తూ శ్రీ కృష్ణ కమిటీ సభ్యులు తమకు అప్పజెప్పిన పని సులభమైంది కాదని అనడం కన్నా, బాధ్యత తీసుకునే ముందే, తమకు చేతకాని బాధ్యత నెత్తిన వేసుకుంటున్నామని అనుకుంటే బాగుండేదేమో. పదకొండు నెలలుగా చేసిన విస్తృత సంప్రదింపులు, బృహత్తర పరిశోధనలు చివరకు ఏమైనా తేల్చాయా? తేల్చనప్పుడు-తేల్చలేమని గుర్తించినప్పుడు, ఆ సంగతే చెప్పాలికానీ, శాశ్వత ప్రతిష్ఠంభన దిశగా సూచనలివ్వడం ఎంతవరకు సబ బు? పైగా తాము చెప్పలేని దానికి, పోనీ పదే-పదే చెప్తూ వస్తున్న దానికి జవహర్‌లాల్ నెహ్రూ ప్రసంగంలోని సూక్తులను పేర్కొనడం ఒక తెలివైన ఎత్తుగడ తప్ప మరోటి కాదు.

కమిటీ చేసిన బెస్ట్ లేదా సెకండ్ బెస్ట్ సూచనలలో ఏ ఒక్క దాన్ని ప్రభుత్వం అంగీకరించినా, ఆ నిర్ణయం,నిజంగా శ్రీ కృష్ణ కమిటీ చెప్పినట్లు ఎవరికీ పరాజయం లేకుండా అందరికీ సమానంగా విజ యం చేకూరినట్లు అవుతుందా? సూచన-ఐదుకు ప్రభుత్వం అంగీకరించితే అది సమైక్య వాదులకు అపజయమే కదా! సూచన-ఆరుకు ఒప్పుకుంటే, ఇటు తెలంగాణ కోరుకునే వారికి, అటు సమైక్య వాదులకు అపజయమే కదా! నెహ్రూ చెప్పిన బుద్ధుడి ప్రవచనాలను శ్రీకృష్ణ కమిటీ నిజంగా గౌరవించిందా? న్యాయమూర్తి అనేవావరైనా ధర్మ సమ్మతమైన న్యాయం చెప్పి సమస్యను పరిష్కరించే సూచనలివ్వాలి. కానీ సమస్యను మరింత జటిలం చేయొచ్చా? పైగా అందరికీ విజయం చేకూరుస్తున్నామని చెప్పడం తగునా?

నివేదికలో ఏం చెప్పినా ఇష్టంగానో-అ ఇష్టంగానో, మనసులో మాట మాత్రం దాచుకోలేకపోయారు శ్రీకృష్ణ కమిటీ సభ్యులు. మహాభారత యు ద్ధం పూర్వరంగంలో కౌరవ-పాండవ యుద్ధం నివారించడానికి శ్రీకృష్ణుడు హస్తినకు రాయబారానికి వెళ్లినట్లు చెప్పినా, వాస్తవానికి యుద్ధాన్ని ఖాయం చేసేందుకే వెళ్లాడనేది జగమెరిగిన సత్యం. అదే జరిగింది శ్రీకృష్ణ కమిటీ నివేదిక విషయంలో కూడా. ఏభై నాలుగేళ్ల ఆంధ్రా నిలు దోపిడీకి నిదర్శనంగా మిగిలిన తెలంగాణ ప్రాంతం వారు చేయబోయే ఆధునిక మహాభారత యుద్ధానికి తెరలేపింది శ్రీకృష్ణ కమిటీ కృష్ణ రాయభారం తరహా నివేదిక.

నాటి శ్రీకృష్ణుడు పాండవ పక్షం-ధర్మంపక్షం వహిస్తే, నేటి శ్రీకృష్ణుడి నివేదిక సమైక్యానికి మొగ్గు చూపినట్లు భావన కలిగించినా, ఆసాంతం మనసులో వున్న మాటగా విభజన పలుకులే పలకడం విశేషం. మరోవిధంగా చెప్పాలంటే నాలుగు కోట్ల తెలంగాణ ప్రజల న్యా యమైన కోర్కె సమంజసమని-సమర్థించాలని మనసులో వున్నా, చేసిన ఆరు సూచనలలో వద్దనుకుంటూనే నాలుగు సూచనలు విభజనకు సంబంధించినవి కావడం విశేషం. అంటే, విభజన సమస్య పరిష్కారానికి సరైన మార్గమని తెలిసినా అసంబద్ధమైన విభజనలను మొదలు సూచించి, చివరకు అసలు సిసలైన రాయబారం తరహాలో ఐదూళ్లిచ్చిన చాలును అన్న చందాన పనికిమాలిన సూచనతో సహా, అసలు సిసలైన ఒకే ఒక్క సూచన చేశారు. ఆయన చెప్పిన విధంగా ఐదో సూచనకు అనుగుణంగా తప్ప, వేరే రకంగా విభజనకు ఒప్పుకునేందుకు సిద్ధంగా లేరు తెలంగాణ ప్రజలు. ‘అనివార్యమైతే అంతా ఒప్పుకుం పరిశీలించాలి’ అనేది కమిటీ వ్యాఖ్య.

రాష్ట్రాన్ని సీమాంవూధ-తెలంగాణగా విభజించి, హైదరాబాద్‌ను తెలంగాణ రాజధానిగా ఉంచడం, సీమాంవూధకు కొత్త రాజధాని ఏర్పాటు చేయడం అన్న దానికి ప్రభుత్వం ఒప్పుకుని, దానికి అనుగుణమైన చర్యలు చేబడితేనే మహాభారత యుద్ధం లాంటిది నివారించవచ్చేమో! శ్రీకృష్ణ కమిటీ సభ్యులంతా మనసా-వాచా తెలంగాణ రాష్ట్ర ఏర్పాటు న్యాయమైందని భావించినా, కర్మణా అనుకూలంగా లేకుండా, వూపతికూలంగా కాకుండా తీర్పు లాంటి సూచన ఇవ్వడం అన్యాయం లాంటిదే!

ఒక వైపు సూచనలు చేస్తూనే అవే సూచనలు ఆచరణ యోగ్యమైనవి కావు అని అనడం కూడా ఎంతవరకు సబబు? కలిసి ఉండటమే ఉత్తమం అం టూనే, సమైక్యాంవూధకు అనుకూలమైన ఈ ప్రతిపాదనను ప్రభుత్వం ఆమోదిస్తే తెలంగాణలో నిరసనలు తప్పకపోవచ్చని, పలు ప్రాంతాల్లో వ్యతిరేకత ఎదురవుతుందని వ్యాఖ్యానించడంలోని ఆంతర్యమేంటి? సమైక్యంగా వుండడానికి తెలంగాణ ప్రాంతం వారు అంగీకరించరనే కదా? కొంచెం లోతుగా నివేదికను విశ్లేషిస్తే, అనివార్యంగా రాష్ట్రాన్ని విభజించాల్సి వస్తే తెలంగాణను, సీమాంవూధను రెండు రాష్ట్రాలుగా విడదీయాలని, సీమాంధ్ర సొంత రాజధానిని అభివృద్ధి చేసుకునే దాకా హైదరాబాద్‌నే ఉమ్మడి రాజధానిగా కొనసాగించాలని మరో సూచన కనిపిస్తుంది. ఇది కూడా తెలంగాణ రాష్ట్ర ఏర్పాటును శ్రీకృష్ణ కమిటీ స్పష్టం చేసిందనాలి కదా? ఇతర సూచనలకు కూడా తెలంగాణ ప్రాంతం నుంచి తీవ్ర వ్యతిరేకత వస్తుందని కమిటీ అభివూపాయపడడమంటే, నర్మగర్భంగా తెలంగాణ ఏర్పాటు చేయమని చెప్పడమే కదా?

మొదటి నాలుగు సూచనలలో ఆచరణసాధ్యం కాని ఒక సూచనతో పాటు ఏ ప్రాంతం వారికి ఆమోదయోగ్యం కాని ఇంకొక సూచన చేసింది. రాష్ట్రాన్ని సమైక్యంగా ఉంచి తెలంగాణ ప్రాంత సామాజిక, ఆర్థికాభివృద్ధికి, రాజకీయ సాధికారతకు చట్టపరమైన చర్యలు తీసుకోవడం-చట్టబద్ధమైన అధికారాలతో తెలంగాణ ప్రాంతీయ అభివృద్ధి మండలిని ఏర్పాటు చేయడం యాభై ఏళ్ల కితం చెప్పి వుంటే కొంతైనా అమలయ్యేదేమో. 1956లో చేసుకున్న పెద్ద మనుషుల ఒప్పందం స్ఫూర్తితో తెలంగాణ ప్రాం తీయ మండలిని ఏర్పాటు చేయమని సూచించడం కన్నా తిరోగమన మార్గం మరోటిలేదు. ఇన్నేళ్లు జరగంది, ఇప్పుడు జరుగుతుందన్న నమ్మకం, విశ్వాసం భవిష్యత్ సీమాంధ్ర నాయకులు ఎన్ని రాజ్యాంగ భద్రతలు కలిగించినా, తెలంగాణ ప్రజల్లో కలిగించడం జరగని పని.

చట్టబద్ధమైన సంప్రదింపులను ప్రాంతీయ మండలి నిర్వహించడం కాని, ప్రాంతీయ మండలికి-రాష్ట్ర ప్రభుత్వానికి-శాసనసభకు మధ్య ఎప్పుడైనా, ఏవైనా అభివూపాయభేదాలు తలెత్తినపుడు, గవర్నర్ ఆధ్వర్యంలో అత్యున్నత కమిటీని ఏర్పాటు చేసి వివాదాన్ని పరిష్కరించుకునే అవకాశం కాని ఎండమావుల లాంటి ఆలోచనలు. తెలంగాణ ఏర్పాటై, తెలంగాణకు చెందిన వారు ముఖ్యమంత్రి కావాలనుకునే ప్రజలకు, తమ ప్రాంతం వాడేమో కేవలం కేబినెట్ మం త్రిగా మిగిలిపోవడం ఆమోదయోగ్యమైన ప్రతిపాదన కానేకాదు. ముఖ్యమంత్రి, ఉపముఖ్యమంత్రి పదవి, కీలక మంత్రిత్వ శాఖలను తెలంగాణ ప్రాంత నేతలకు కేటాయిస్తే, ప్రాంతీయ మండలి అధ్యక్షుడి హోదా ఏంకావాలి? బహుశా ఆచరణ యోగ్యం కాని సూచనలలో అగ్ర భాగాన నిలిచే సూచన ఇదేనేమో!

అన్నింటి కన్నా ఘోరమైంది, రాజ్యాంగంలో పొం దుపరిచిన విధంగా నామినేటెడ్ పోస్టులో నియమించబడిన గవర్నర్‌కు, ఈ ప్రతిపాదన ద్వారా విస్తృత అధికారాలను కట్టబెట్టడం ప్రజాస్వామ్య స్ఫూర్తికే విఘా తం.

శ్రీకృష్ణ కమిటీ మాటల్లోనే, తెలంగాణ-సీమా ధ్ర లుగా రాష్ట్రాన్ని విభజించడం,తెలంగాణ ప్రజల మనోభావాలను గౌరవించినట్లన్న భావన వుంది. తెలంగాణ ప్రజలు ప్రత్యేక రాష్ట్రం కోరుకుంటున్నారన్న వాస్తవం కూడా కమిటీ చెప్పింది.తప్పని పరిస్థితుల్లో-అన్ని ప్రాంతాల వారికి ఆమోదయోగ్యమైతేనే రాష్ట్ర విభజన జరగాలని కమిటీ అభివూపాయపడడం, పరోక్షంగా, అలాంటి పరిస్థితులు కలుగుతాయని హెచ్చరించడమే నా? ప్రత్యేక రాష్ట్రం ఏర్పాటు కావాలన్న చిరకాల డిమాండ్ నేపథ్యంలో, రాష్ట్ర విభజన జరగకపోతే, ఉద్యమం కొనసాగే ప్రమాదముందని కమిటీ హెచ్చరించింది. నేర్పుగా, దృఢంగా ప్రభుత్వం ఉద్యమాన్ని అదుపు చేయగలిగితే తప్ప ఉద్యమాన్ని ఎదుర్కోవడం కష్టమవుతుంది కనుక, తెలంగాణ రాష్ట్రం ఏర్పాటు చేయడమే ఉత్తమం అని సూచన చేసింది.

రాష్ట్ర విభజన చేసేందుకు నిర్ణయం తీసుకుంటే, రాజ్యాంగంలోని మూడవ ప్రకరణం కింద చెప్పిన విధంగా ముందుకు సాగితే మంచిదని కమిటీ సూచించింది. రాష్ట్ర రాజకీయ నాయకులతో సంప్రదింపులు అనవసరం అన్న భావన వుంది కదా! ఎలాగూ చిదంబరం డిసెంబర్9 ప్రకటనలో తెలంగాణ ఏర్పాటు ప్రక్రియ మొదలైందని స్పష్టంగా చెప్పారు. శ్రీకృష్ణ కమిటీ కూడా అదే సూచించింది. ఇంకెందుకు ఆలస్యం? పార్లమెంటులో బిల్లు పెడితే ప్రధాన ప్రతిపక్షం బీజేపీ-దాని ఎన్డీఏ మిత్ర పక్షాలు సమర్థించడం ఖాయం. కనుక, ఆ దిశగా అడుగులు వేస్తే అందరికీ మేలు. ఇంకా అఖిల పక్ష సమావేశాలు ఏర్పాటు చేయడం అనవసరం!